Këshilli Evropian miratoi një vendim për nënshkrimin e marrëveshjes me Shqipërinë për Frontex (Agjencia Evropiane e Rojës Kufitare dhe Bregdetare).
Sipas kësaj marrëveshjeje do të ndërmerren operacione të përbashkëta për parandalimin e emigracionit të paligjshëm.
Falë marrëveshjes, Frontex do të jetë në gjendje të ndihmojë Shqipërinë në menaxhimin e flukseve migratore, luftimin e imigracionit të paligjshëm dhe trajtimin e krimit ndërkufitar, shkruan consilium.europa.eu.
Marrëveshja e re do të zëvendësojë marrëveshjen aktuale ndërmjet Shqipërisë dhe Frontex, e cila ka hyrë në fuqi në vitin 2019.
Frontex ka marrëveshje bashkëpunimi për menaxhimin e kufijve me Serbinë (2020) sipas rregullave të mëparshme dhe me Moldavinë (2022), Maqedoninë e Veriut dhe Malin e Zi (2023).
Krimi ndërkufitar dhe menaxhimi i imigracionit janë sfida të rëndësishme si për vendet e BE-së ashtu edhe për fqinjët tanë.
Kujtojmë që disa muaj më par ëish-ministri i Brendshëm Bledi Çuçi nënshkroi një marrëveshje me Drejtorin Ekzekutiv të FRONTEX, Hans Leijtens për forcimin e bashkëpunimit për emigracionin e paligjshëm.
