Shkrimtari dhe analisti Kim Mehmeti është i mendimit se ish-kryeministri maqedonas, Nikolla Gruevski, është arratisur me ndihmën e shqiptarëve në Maqedoni dhe në Shqipëri. Këtë deklaratë të fortë ai e ka përcjellë në studion e lajmeve të “Ora News”. Sipas Mehmetit, ish-kryeministri i beson më shumë shqiptarëve, sesa serbëve.
“Ai këtu ka kaluar me ndihmën e shqiptarëve. Sepse në shtëpinë tënde nuk mund të vijë as hajduti të hyjë të vjedhë, nëse nuk ke ndonjë garant brenda në shtëpi. Ai këtu ka hyrë dhe ka kaluar me ndihmën e shqiptarëve të atjeshëm, dhe të shqiptarëve këtu.
Gruevski më shumë u beson shqiptarëve, sesa serbëve. Nuk ka kaluar nga Serbia ku gjithashtu kalohet me letërnjoftim. Nuk u beson atyre aq, apo nuk ka miqësi aq të afërt, aq vëllazëri të ngushtë sa me tonët”, sqaroi Mehmeti.
