Policia e Tiranës ka njoftuar sot se pas hetimeve për atentatin në “Don Bosko”, ngjarje e ndodhur më 12 Mars ku humbi jetën banakierja Mimoza Paja, rezulton i përfshirë edhe 28-vjeçari Nikoll Sherrniku.
Nikoll Sherrniku dyshohet se ka siguruar mjetet dhe targat personat të cilët kryen atentatin ndaj lokalit të Fatjon Muratit në Don Bosko ku mbeti e vdekur punonjësja 52 vjeçare Mimoza Paja dhe u plagosën disa klientë.
Policia ka njoftuar se të riut i është komunikuar akuza në burg pasi aktualisht ndodhet në qeli.
Raportohet se Sherrniku është arrestuar në Gusht të vitit të kaluar për një atentat që ishte planifikuar të bëhej në Lezhë. Por Sherrniku ka qenë i arrestuar edhe më herët për vrasjen e efektivit të FNSH-së, Xhulio Prela.
