Vijojnë rrjedhjet në radhët e kandidatëve për deputetë të Partisë Demokratike.
Vetëm brenda 24 orëve të fundit, ka shkuar në tre numri i të tërhequrve nga listat e publikuara më 26 maj.
Sulejman Gjana, pjesë e listës së qarkut Dibër, ka njoftuar sot dorëheqjen nga kandidimi, me arësyetimin se PLL-ja, forca politike që përfaqëson, ndjehet e fyer me pozicionimin në fund të listës.
Një ditë më parë njoftuan tërheqjen nga kandidimi edhe Ramiz Çoba, i fundit në listën e Shkodrës dhe Sazan Guri i renditur i pesti në qarkun e Beratit.
