Kreu i Demokratëve Euroatlantikë Lulzim Basha në një interviste në ‘Të Pashoq’, ka folur mbi fundin e Partisë Demokratike si dhe marrëdhënien me Sali Berishën.
Pjesë nga intervista:
Pyetje-I cilësoni dështim protestat e Berishës?
Basha- Elementi që trego se ku janë demokratët janë protestat. Janë kryedështim, janë dështimi më i turpshëm i një opozite në 34 vite.
Pyetje-Ju i krahasoni me protesta tuaja, por ju ishit të bashkuar?
Basha-Po sigurisht se kishte lidershipin e duhur. Kur prioritet bëhet karrigia jote, bëhet familja jote…
Pyetje-E kishte apo jo lidershipin e duhur se ju keni thënë se në hije ju urdhëronte Berisha?
Basha-Janë dy gjera të ndryshme. Kjo e bënte më të vështirë për mua, por nuk më tundonte që të prevalonte interesi publik.
Pyetje-Në 2019 dogjët mandatet.
Basha- Djegia e mandateve ishte një episod i veçantë dhe gjëja më e thjeshtë është që ata që ishin shtytësit thonë ishte e gabuar. Nëse gjërat do ishin ndryshe. Nëse Rama nuk do i korruptonte ata që mbetën në Parlament, vendi do shkonte në zgjedhje. Synimi nuk ishte që vendi të mbetej pa opozitë. Synimi ishte zgjedhjet e parakohshme. Ata që e sulmojnë këtë vendim janë ata që bërtisnin në kor për djegien e mandateve.
