Kreu i PD-së, Lulzim Basha foli sërish sot në çadrën e lirisë, lidhur me “aksionin” politik të ditëve të fundit.
Në fjalën e tij, Basha tha se shqiptarët e kanë kuptuar lojën e pistë të qeverisë.
Gjithashtu, ai u shpreh se i qëndron besnik kauzës së çadrës së lirisë për formimin e qeverisë teknike për zgjedhje të lira dhe të ndershme.
Kryetari i opozitës gjatë fjalës së tij e la të hapur sërisht ftesën për dialog.
“Shqiptarët kanë kuptuar që nuk do jenë të pjesë e një komploti politik, ata nuk janë dele për politikanët. Ne nuk pranojmë pazare me askënd, pasi asgjë nuk ndryshon. As pazare, as fasadë, por jemi të vendosur për dy kauzat tona.”- përfundoi ai.
