Nuk ka asnjë diskutim se Berisha është i vetmi që bën opozitën e fortë brenda grupit parlamentar të PD-së. Ai mbetet lideri dhe idhulli i demokratëve, duke lënë nën hije Bashën, i cili duket se i gëzohet vetëm statusit!
Ish-kryeministri Berisha është i njohur tashmë për statuset nga qytetari digjital, e vërsuljet e shpeshta ndaj kryeministrit Rama. Ata zihen shpesh, kacafyten, ironizojnë, tallin njëri-tjetrin, një gjuhë që ata dinë si ta kodojnë. Në këtë panoramë të përgjithshme, jo vetëm që japin mesazhe, por si pa kuptuar nxjerrin jashtë loje Bashën, i cili kur i del gjumi, zgjedh që të bëjë ndonjë dalje emergjente. Dhe kur ai dështon, është prap Berisha i cili gjen çelësin e suksesit.
Pyetja që shtrojmë është: A do t’ia dalë Basha që të largojë hijen e Berishës, dhe të bindë shqiptarët për qeverisjen e nesërme? Jo më larg se dje, Berisha i vodhi sërish vemëndjen Bashës, duke komunikuar në distancë me Ramën, ku ky i fundit vijoi turin në qarkun e Dibrës.
Ai hodhi shashkën e radhës, por edhe Rama nuk ia la mangut, duke ia përmendur emrin Berishës teksa ndodhej para turmës.
Mbështetës të PD-së me pankarta thërrisnin. “O kryemashtrues, shporru nga Klosi dhe qeveria”. Por prap këta të rinjtë e PD-së nuk qullosën gjë, duke vijuar me avazin.
Po në këtë rrëmujë të madhe, ku topi hidhej sa tek porta e Berishës e sa tek e Ramës, Basha pushonte. Ku ishte strukur që nuk i dëgjohej zëri fare?
Nga ana tjetër, si për të shtensionuar situatën, kjo referuar protestave, nga kantieri i ndërtimit Rama iu kthehu përgjigje protestuesve, duke ironizuar edhe ish-kryeministrin Sali Berisha.
“Rrugës kur po vija këtu, pash nja 40 vetë me një deputet.
Njësoj si me çingije, si filmi ‘Koncert në vitin 1936’, me parrulla ‘Rama ik’.
Edhe Saliu, ma çoi Olta kishte publikuar një foto.
Ata dalin nëpër cepa edhe i japin skrapamentos me atë fuqinë motorike që i ka ngelur Saliut.
Edhe ju duket sikur po…ata të skrapamentos sikur janë bomba”, tha Rama.
Pas këtyre dozave të ironisë, Basha pse vallë po hesht?
Tirana Today
