Kreu i Partisë Demokratike, Lulzimk Basha po zhvillon një takim me qytetarë të Vlorës. Gjatë fjalës së tij, Basha u zotua se do të rrisë ekonominë duke u bazuar në një plan të ngjashëm me atë që zbaton Trump në SHBA.
Gjithashtu, Basha akuzoi kreun e PS-së për rritjen e taksave, si dhe për mosrealizimin e Lungomares, ndërsa u “mburr” se ai arriti të realizonte Rrugën e Kombit në vetëm dy vjet.
FJALA E BASHËS:
Vendet e punës do të hapen, pensionet do të rriten sepse ne kemi një plan, jo premtime. Plan ekonomik i ngjashëm me atë që po zbaton sot presidenti Trump, plan që ka nxjerrë shumë vende nga kriza. Palmat dhe Lungomare që janë vetëm një turp, 4 vite nuk e mbaroi dot. Për dy vjet mora përsipër dhe u dhashë shqiptarëve Rrugën e Kombit, Vlora është e pajetueshme për vlonjatët, lëre më për turistët.
Kriminelëve ua hapi derën, e mbushi Shqipërinë me drogë, i patë artikujt besoj. E mbani mend kur e ftova për debat para një jave e gjysmë. Nuk përgjigjet, ka frikë. Kërkon timon lodër që të luajë ai në kurrizin e pensionistëve që nuk hanë dot bukë. Duhet një plan për ta nxjerrë Shqipërinë, si ky që kam unë.
Si do rritet konsumi kur lekë që jep me ndihmë ekonomike, ua merr me dorën tjetër? Si do rritet ekonomia kur vetëm blen palma të cilat thahen?
