Kryetari i Partisë Demokratike, Lulzim Basha ka nderuar ditën e zisë për policin e vrarë në veri, Afrim Bunjaku nga grupet terroriste serbe. Kryedemokrati thotë se çdo shqiptar sot është në zi për vrasjen në krye të detyrës së rreshterit të Policisë së Kosovës.
Ai thekson se Afrim Bunjaku është dëshmori më i ri në altarin e heronjve të Kosovës së lirë dhe sovrane.
“Jo vetëm Kosova por çdo shqiptar sot është në zi për vrasjen në krye të detyrës së rreshterit të Policisë së Kosovës Afrim Bunjaku.
Nderim për jetë Afrim Bunjakut, dëshmorit më të ri në altarin e heronjve të Kosovës së lirë dhe sovrane në të cilën askush nuk mundet më të luajë me jetën, dinjitetin dhe sigurinë e qytetarëve të saj.”-shkruan Basha në foton që ka shpërndarë në rrjetet sociale.
