Gjatë fjalës së tij Basha u shpreh gjithashtu se Rama flet sikur ka qenë pjesë e opozitës.
“Sa herë demokratët bëjnë një hap përpara, edhe Shqipëria bën hap përpara. Kështu ka qenë edhe kur PD i priu vendosjes së demokracisë, kur anëtarësoi Shqipërinë në NATO, kur hoqëm vizat, dhe kështu do jetë të dielën kur të themelojnë Republikën e Re. Të dielën do t’i japim fund regjimit më të korruptuar, që e shndërroi Shqipërinë në hambar droge.
Vuri kriminelët në institucione, e mbushi Shqipërinë me drogë. Ky është kryeministri i 4 viteve që shkuan, kryeministri që ju do ta largoni me votë ditën e diele. Le ta dëgjojë Evropa dhe Amerika se çfarë keni vendosur për Ramën më 25 qershor,”-tha ai.
Partia Demokratike në mitingun përmbyllur të Tiranës ka pasur të ftuar nderi edhe përfaqësues nga PPE-ja.
Gjatë fjalës së tij, përfaqësuesi i PPE-së ka përshëndetur demokratët dhe opozitarët për fushatën elektorale dhe është shprehur optimist se PD-ja do të dalë fituese e zgjedhjeve të 25 qershorit.
“Unë jam këtu sepse ne besojmë tek e ardhmja evropiane dhe demokratike për Shqipërinë. Jam i nderuar sot të jem këtu mes jush dhe në emër të presidentit të PPE-së Joseph Dol, i cili kërkon që të dielën ne të fitojmë së bashku
Ne jemi krenar që PD e udhëhequr nga kryetari Basha është anëtare e familjes më të madhe në Evropë dhe ne ndajmë të njëjta vlera për Shqipërinë.
Duhet të jeni krenar që keni mes jush dhe në partinë tuaj individë me vizion për zhvillimin e ekonomisë dhe të programit tuaj, ndihuni krenar me ta. Tra dini se ata janë tejet të angazhuar për një të ardhme më të sigurt për një ekonomi më të sigurt, për të ardhme më të mirë për Shqipërinë.
Ne jemi krenar që ndajmë tek PPE-së së bashku me PD-në vlerat e demokracisë dhe të drejtësisë.
Është meritë që nën drejtimin e kryetarit Basha që shoh kaq shumë të rinj që duan të ndërtojnë vendin e tyre duan të mos largohet nga Shqipëria.
Nuk kam parë asnjëherë kaq shumë të rinj në një miting demokrat, urime për rininë tuaj.
Unë nuhas fitore të dielën unë shohë energjinë tuaj, fitore. Koha për kryeministrin Basha, koha për një Republikë të Re Faleminderit”
