Kreu i opozitës, Lulzim Basha ka komentuar sot nga çadra takimin e djeshëm mes kreut të PS-së, Edi Rama, dhe atij të LSI-së, Ilir Meta, në një restorant peshku pranë “Pazarit të Ri”. Më shumë sesa është marrë me çfarë është folur, është marrë me peshkun. Ai tha se ky koalicion është qelbur, ashtu sikurse peshku qelbet nga koka. Ai ka kopjuar në shprehje deputetin e tij Oerd Bylukbashi, kur në një barcaletë të sajuar enkas për këtë rast, tha se peshku është qelbur nga koka me kohë.
“Komentet për markatën e peshkut merrini tek tregtarët e peshkut. Peshku është qelbur nga koka me kohë”, tha Basha.
