Deputeti i Partisë Demokratike, Gazment Bardhi, ka folur lidhur me mbajtjen e Kuvendit Kombëtar të thirrur nga kreu i PD-së, Lulzim Basha.
Në një deklaratë për mediet teksa ndau detaje nga mbledhja e parë për këtë sesion të ri parlamentar të konferencës së krytarëve, Bardhi tha se ditën e nesërme, 2 shtator, nuk ka mbledhje të Kuvendit Kombëtar të Partisë Demokratike pasi Basha nuk është kryetar.
Bardhi theksoi se mënyra që konflikti mes Partisë Demokratike të zgjidhet duhet që fillimisht palët të heqin dorë nga interest personale.
“Nuk kam dijeni se çfarë bën zoti Basha, ajo që di unë me siguri është që nesër nuk ka Kuvend Kombëtar të Partisë Demokratike. Secili deputet është i lirë të mendojë çfarë të dojë brenda kampit opozitar.
Kjo duhet të jetë një çështje e brendshme e Partisë Demokratike. Unë nuk jam personi kompetent për të pranuar dhe për të përjashtuar nga Grupet Parlamentare deputetë. Për momentin nuk ka kryetar të Partisë Demokratike. Që konflikti të zgjidhet duhet që secili prej nesh të heq dorë nga interesat personale.
Përballë nuk kemi një kundërshtar jo të lehtë, por një kundërshtar që sillet si mafje. Nëse ne jemi të pa aftë për të zgjidhur hallet brenda vetes imagjino çfarë mesazhi mund të dërgojmë”, tha Bardhi.
