Kreu i Grupit Parlamentar, Gazment Bardhi ka reaguar pas dekreteve të shkarkimit dhe emërimit të ministrave të rinj, votuar këtë të hënë në Kuvendin e Shqipërisë.
Në fjalën e tij për mediet, Bardhi ka shprehur shqetësimin se edhe pse sot u formatua gjysma e kabinetit, nuk u lejua asnjë debat. Gjithashtu, demokrati shprehu dhe një tjetër shqetësim, duke vënë në dukje shkarkimin e ministres së arsimit Evis Kushi në ditën e parë të shkollës dhe shkarkimin e Ministres së Jashtme, Olta Xhaçka para samitit të Berlinit.
Më tej ai ka shtuar se kjo qeveri mban vulën e korrupsionit për shkak të kryeministrit Edi Rama, duke theksuar se sipas tij pagesat për koncesionin e sterilizimit dhe pagesat për inceneratorët do të vijonjë.
“Së pari do të duhet të ndaj shqetësimin me ju. Edhe pse sot u formatua gjysma e kabinetit nuk u lejua një debat. Ditën e parë të shkollës shkarkohet ministrja e arsimit dhe nuk ka asnjë sqarim publik pse shkarkohet minsitri i jashtëm para samitit të Berlinit.
Ajo që vihet re është se kryeministri është i paaftë për të mbrojtur ndryshimet e veta në kabinetin qeveritar. Kjo qeveri mban vulën e korrupsionit për shkak të kryeministrit. Nuk ka asnjë rëndësi se si quhen minsitrat e ri apo të vjetër të kryeministrit. Do të vazhdojë njëlloj pagesat për koncesionin e sterilizimit dhe pagesat për inceneratorët njëlloj. Do të mblidhet një tryezë me 59 deputetë opozitarë për parlamentin e Shqipërisë’, deklaroi Gazment Bardhi
