Kryetari i Grupit Parlamentit të Partisë Demokratike, Gazment Bardhi, i ka kërkuar Kuvendit që të vendosë në rendin e ditës projektvendimin për rishikimin e përbërjes së Komisionit të Reformës Zgjedhore.
Përmes një shkrese Bardhi i është drejtuar kryetares së Kuvendit, Lindita Nikolla, duke thënë se rishikimi i përbërjes se Komisionit të Reformës është domosdoshmëri, sepse për më shumë se nëj vit nuk është bërë asnjë punë dhe sot disa prej anëtarëve nuk janë më deputetë, për shkak të heqjes dorë nga mandati.
“E nderuar znj. Kryetare,
Tiranë, më 040 1/2023
Në mbështetje të nenit 31 të Rregullores së Kuvendit, me qëllim që të bëhet funksional Komisioni i Reformës Zgjedhore, për shkak të mungesave nga rradhët e përfaqësuesve të opozitës (për shkak se ka deputetë që kanë dorëzuar mandatin) dhe pas analizës së punës së përfaqësuesve të opozitës në këtë Komision, ku për 1 vit e gjashtë muaj janë zhvilluar vetëm dy mbledhje, duke bllokuar cuarjen përpara të kësaj Reformë të rëndësishme për vendin, kërkoj:
– Përfshirjen në Rendin e Ditës së seancës së datës 05.10.2023 për miratim të projektvendimit “Për një ndryshim në vendimin nr. 48, datë 09.06.2022 të Kuvendit “Përbërja e Komiisonit të Posaçëm Parlamentar për realizimin e Reformës Zgjedhore”, sipas tekstit të dorëzur më parë.
Dëshiroj të sjell në vëmendjen tuaj se në seancën plenare të datës 21 Shtator 2023 u ra dakord nga ana e mazhorancës që ky projektvendim të miratohet në seancën pasardhëse plenare. Fatkeqësisht kjo nuk është reflektuar në Rendin e Ditës të miratuar nga Kryetarja e Kuvendit”, thuhet në kërkesën e Bardhit.
