Interi do të zbresë sonte në Camp Nou për tu përballur me Barcelonën në kuadër të fazës së grupeve në Champions League. Zikltërit vijnë në një moment fantastik për këtë sfidë pasi anë marrë shtatë fitore radhazi dhe ‘qershia mbi tortë’ ishte triumfi në derbi në sekondat e fundit.
Një mungesë e madhe për Interin në këtë sfidë do të jetë ajo e Radja Nainggolan, i cili u dëmtua në kaviljen e majtë në sfidën ndaj Milanit pas një dyluftimi me Lucas Biglian.
Lucciano Spalletti pritet të zgjedhë Borja Valeron në vend të mesfushorit belg. Spanjolli mund ta nisë ndeshjen nga i njëjti pozicion (pas Icardit).
Dyshimet e tjera: Perisic, i rikuperuar pas shqetësimit në derbi, ka udhëtuar me skuadrën, por në çdo rast po qëndron i gatshëm Keita Balde. Në të djathtë “dueli” për fanellën e titullarit është mes Politanos e Candrevës.
Për pjesën e mbetur është gjithçka e konfirmuar (me përjashtim të surprizave): D’Ambrosio, De Vrij, Skriniar e Asamoah do formojnë katërshen e mbrojtjes në ndihmë të Handanovicit dhe dyshja Brozovic-Vecino do vendoset në mesfushë.
Në kampin e Barcelonës nuk do të jetë në fushë Lionel Messi, një humbje e madhe për katalanasit. Trajneri Valverde do të përpiqet që të gjejë zëvendësuesin ideal për të dhe balotazhi është mes Dembele dhe Malcoln. Po ashtu problemet në mbrojtje janë evidente, pasi mungesa e Umtitit dhe Vermalen e detyron që të luaj me të riun Lenglet dhe Pique, të cilëve pritet tu hapë shumë punë Icardi.
Ndërsa pjesa tjetër e skuadrës është e konfirmuar dhe nuk pritet që të ketë ndryshime, me Jordi Alba dhe Sergi Roberto nga krahët, Busquets, Rakitic dhe Arthur në mesfushë, për të mbështetur Coutinhon dhe Luis Suaresz. Ndërsa në portë padiskutim Ter Steger.
