Partizani nuk ka arritur të marrë më shumë se një barazim 1 me 1 në transfertën me Luftëtarin. Sfida në Gjirokastër ishte mjaft e luftuar me të dy skuadrat që kërkuan të merrnin maksimumin, por golat e Malës dhe Ymerajt bënë që të dy ekipet të ndajnë nga 1 pikë.
Në pjesën e parë vendasit ishin më kërkues me Shkurtajn dhe Rrocën që ishin një rrezik konstant. Nga ana tjetër të kuqtë qëndruan në ekuilibër dhe rritën presionin me kalimin e minutave. Momenti vendimtar i takimit erdhi në minutën e 36′. Bardhi bën gjithçka mirë dhe vertikalizon mjaft bukur për Malën.
Pjesa e dytë solli një Luftëtar më të rrezikshëm dhe më kërkues. Vendasit gjetën shpejt golin e barazimit me anë të Ymerajt në minutën e 55′. Lojtari i Luftëtarit kaloi me lehtësi mbrojtjen e “demave” dhe pushoi topin në rrjetë për 1-1.
Më pas në fushë pati një moment paniku pas përplasjes së portierit të Partizanit, Alban Hoxha dhe sulmuesit të Luftëtarit, Maldin Ymeraj. Të dy sportistët mbeten të dëmtuar me stafet teknike që ndërhynë me shpejtësi. Hoxha doli me krahun e fashuar, ndërsa sulmuesi vazhdoi lojën. Në këtë moment ka patur dhe një problem për kapitenin e Luftëtarit, Ramadani. Ky i fundit u largua me ambulancë nga stadiumi.
Pas këtij episodi, loja u zbeh dhe të dy skuadrat kaluan në nervozizëm. Pavarësisht rasteve të krijuar asnjë nga skuadrat nuk arriti të dërgonte topin në rrjetë dhe ndeshja u mbyll në barazim. Me këtë pikë, Partizani vazhdon kryesimin, por distanca ngushtohet me 3 pikë larg Kukësit. Luftëtari ndodhet në vendin e 7 me 17 pikë, po aq sa Tirana e vendit të 6.
Kukësi e ka mbyllur 2018 në mënyrën e duhur, teksa në javën e fundit të fazës së dytë, ka mundur 2-0 Kastriotin, duke siguruar vendin e dytë në renditje me 34 pikë. Kështu skuadra verilindore vijon të bëj një sezon të mirë, edhe pse të gjitha ndeshjet i luan larg qytetit verilindor, për shkak të mungesës së stadiumit.
Goli i Limajt on Vidnews.
Ndërkohë, sa i përket fazës së dytë, Kukësi mbetet i pathyer në shtatë javët e fundit të saj, teksa kishte regjistruar humbjen e fundit ndaj Flamurtarit më 2 nëntor. Humbja me këtë të fundit ishte dhe humbja e vetme për fazën e dytë të kampionatit, ndërkohë që e ka mbyllur me tre barazime dhe pesë fitore.
