Një grup që merrej me trafikimin e vajzave të huaja dhe shfrytëzimin e tyre për prostitucion është goditur në Tiranë. Nga ky operacion u vendosën në pranga 8 tutorë mes tyre edhe një oficere policie. Ndërkohë koka e rrjetit ishte 41-vjeçarja Gabriela Martinez. Martinez është ende në kërkim dhe dyshohet se fshihet në Kolumbi nga ku drejtonte edhe grupin. Rrjeti u zbulua nga banorët e pallateve të u ankuan në polici pas hyrjeve dhe daljeve të dyshimta të 44 vajzave nga Kolumbia.
Vajzat merrnin me qira apartamente ‘Airbnb’ në komplekse të ndryshme pallatesh në Tiranë. Pas këtyre denoncimeve, sektori i Antitrafikut zbuloi rrjetin e prostitucionit dhe pas 5 muajsh hetime u zbulua skema e mirëorganizuar. Martinez rekrutoi 44 vajzat përmes një agjencie udhëtimi që kolumbiania dyshohet se ka në pronësi të saj në Kolumbi. Ajo u premtonte në vendin tonë punësim.
Pasi i rekrutont kolumbiania investonte tek vajzat e rekrutuara me operacione plastike. Pagesat për një vajzë varionin deri në 250 euro dhe të gjitha të rejat regjistroheshin në faqet online të eskortave. Fillimisht të rejat do duhet t’i shlyenin drejtueses së grupit pagesat deri në 4 mijë euro për operacionet plastike dhe pas shlyerjes së ‘borxhit’ fitimet ndaheshin përgjysmë. Pagesat mësohet se drejtuesja kolumbiane i merrte përmes taksistit Sulollari, i cili ia niste përmes pikave të transfertave të parave ose me Bitcoin.
Arrest në burg:
1. Esmerald Sulollari, 39-vjeç, për veprat penale “Trafikimi i personave të rritur” e kryer ne bashkëpunim , “Shfrytëzim i prostitucionit”
-2. Yuly Gomez, 33-vjeçe, për veprën penale “Prostitucion”, “Shfrytëzim i prostitucionit” dhe “Mbajtja e lokaleve për prostitucion”
-3. Liliana Valencia, 23-vjeçe, për veprat penale “Prostitucion”, “Shfrytëzim i prostitucionit” dhe “Mbajtja e lokaleve për prostitucion”
-4. Nicol Benitez, 27-vjeçe, për veprën penale “Prostitucion”, “Veprim që pengojnë zbulimin e së vërtetës” dhe “Deklaratë e rreme përpara oficerit të policisë gjyqësore”
-5. Stefania Marin, 29-vjeçe, për veprën penale “Prostitucion” dhe “Mbajtja e lokaleve për prostitucion”
-6. Nicole Bertel, 27-vjeçe, për veprat penale “Prostitucion” dhe “Mbajtja e lokaleve për prostitucion”:
Arrest në Shtëpi:
1. Elona Muraj, 47-vjeçe, si e dyshuar për veprat penale “Trafikimi i personave të rritur” e kryer ne bashkëpunim, “Shfrytëzim i prostitucionit”.
-2. Anisa Brahaj, 34 vjeçe, për veprat penale “Prostitucion” dhe “Mbajtja e lokaleve për prostitucion”.
