Aksioni i prishjes së bujtinave në Valbonë ka vijuar sërish sot me ndërhyrjen e IKMT dhe forcave të rendit, duke shembur godina të ndërtuara prej druri nga banorët vendas, të cilat përbëjnë të vetmen mundësi mbijetese në një nga zonat më të izoluara dhe më të braktisura të Shqipërisë.
Në mes të pluhurit, fadromave dhe policisë, dëgjohen zërat e dhimbjes dhe revoltës, banorë të dëshpëruar që shohin të shembet e vetmja pasuri që kanë ngritur me duar dhe me borxhe.
Një çift i moshuarish, që jeton prej vitesh në Valbonë, kanë shpërthyer në lot dhe akuza të forta ndaj qeverisë, ndërsa bujtina e tyre tre-dhomëshe, ndërtuar këtë vit, po përgatitet për shembje As serbi nuk na e bënte këtë! Jemi në tokën tonë, në shtëpinë tonë! Është gjynah, jemi shqiptarë, shqiptari shqiptarit nuk ja bën këtë! Ky është gazep!”, thotë burri i moshuar, ndërsa sheh punëtorët që përgatiten për t’i futur fadromën në shtëpi.
Kjo ngjarje ka bërë që Lefter Maliqi të reagojë me anë të një postimi në rrjetin social Facebook, ku u shpreh se kjo gjë nuk i bëhet as hasmit, duke shtuar gjithashtu se është koha që të gjithë të ngrihen në protestë, ashtu si në Nepal.
Postimi:
Shqiptar mos rri po duku shqiptar,erdhi koha te ngresh koke, te luftosh, lirine bashke me shoke te kerkosh,ngrihuni dhe bjeruni katundar e punetor qe nga Shkodra gjer ne Vlore.
Kesaj i thone shpirt kazem,i pabese,i lig,mosmirenjohes,antishqiptar i pa fe. Deri kur do e votoni o popull nje njeri qe ska shpirt qe ju ble ,ju shet,sju do,ju tradheton,ju mashtron,ju shkaterron,ju varferon,ju largon nga vendi,ju vjedh,ju le ne rruge,ju helmon,ju ve tritolin,ju djeg etj???
Ky Kryeminister eshte i juaji apo i hasmit. A kuptoni qe sdo tja dij per ju? Po ju shtyp.
E ka kthyer Shqiperin ne placke ne duart e tij,as Enveri si bente kete popullit te vet. Ka ardhur koha per thirrje mbare kombetare kudo ku ka shqiptar ne Shqiperi,Kosove,Mal te Zi,Maqedoni ne Diaspore per revolucion te forte si ne Nepal ,ti hedhim ne lum e kosha plehrash keta bastard,ajdut e vrases te shpreses se shqiptareve.
