Banorët e prekur nga tërmeti i vitit 2019 në zonën e ish-Komunales kanë dalë ditën e sotme në protestë. Banorët kanë dalë në protestë pasi prej 7 muajsh nuk kanë marrë bonuset e qirave.
Gjatë thirrjes së tyre ata kërkojnë bonusin e premtuar të qirasë. Një protestuese u shpreh se është nënë e 3 fëmijëve dhe i bëri thirrje kryeminsitrit dhe kryetarit të bashkisë të mbajnë premtimin e dhënë, se do ju japin shtëpi, ndërkohë që kanë 7 muaj pa marrë bonusin e qirasë.
“Unë jam nëna e tre fëmijve. Erion Veliaj dhe Edi Rama na kanë ardhur tek socialja dhe na kanë premtuar se do na japin shtëpi. Ku është premtimi? Ne kemi 7 muaj pa bonus, ju lutem të dalin dhe të na sqarojnë. Kemi ardhur dhe njëherë tjetër dhe nuk na kanë bërë asgjë edhe këtë radhë nuk e di. Erion Veliaj dil dhe na sqaro, kaq duam!!'” u shpreh ajo.
