Mirela Jorgo, jurist e ftuar në emisionin ‘’Ora e Betit’’ në Ora News u shpreh se prishja e ndërtimeve në Theth ka qenë e paligjshme.
Jorgo: Ato kanë kohë që janë ngritur.
Dmth ato duhet të kenë të paktën nja 3-4 vite njëherë.
Sidomos në kohën e pandemisë besoj se kanë mbirë.
Atëherë kur u bë shumë publicitet, edhe kishte propagandë që të zhvillohej zona rurale.
Unë e mbaj mend në 2020 që pati një bum mediatik dhe nga mediat edhe investim i jashtëzakonshëm për të zhvilluar zonat rurale dhe nuk po pyetej më.
Ajo që ne pamë këto ditë ka qenë një shok për opinionin publik.
Tronditje shumë e madhe në mes të sezonit turistik.
Mendoj dhe jam e bindur që prishja e tyre ka qenë e jashtëligjshme.
Banorët në bazë të ligjit duhej të ishin lajmëruar të paktën 15 ditë para në bazë të ligjit për prishjen e një ndërtimi të paligjshëm.
Kur ka një vendim nga ana e IKMT që merret ose nga IKMT ose nga bashkia dhe ky vendim duhej të ishte paraqitur.
100 ndërtesa, 100 vendime duhej të ishin për secilin banor, duhej të ishin takuar kokë më kokë nga ana e IKMT.
