Mario Balotelli ka rënë dakord që në pjesën e mbetur të sezonit ti bashkohet Olympique Marseille. Edhe pesë është kërkuar nga klube si Sassuolo dhe West Ham, sulmuesi ka vendosur të qëndrojë në Francë.
Negociatat me sa duket kanë arritur në një përfundim pozitiv, pasi RMC Sport në Francë dhe Sky Sport Italia këmbëngulin se testet mjekësore janë rezervuar për të mërkurën në mëngjes.
Sulmuesi italian do të nënshkruajë një kontratë gjashtëmujore me një pagë më të lartë se ajo që përfiton aktualisht te Nice. Balotelli ishte i detyruar të gjejë një klub të ri pasi marrëdhëniet mes tij dhe trajnerit të Nice, Patrick Vieira nuk ishin aspak të mira.
Kontrata e tij me Nice përfundonte në qershor e më pas do të jetë një lojtar i lirë për të zgjedhur skuadrën e radhës. Balotelli ka qenë njëri prej talenteve më të mëdhenj të futbollit, por karriera e tij në vitet e fundit ka pësuar rënie.
