Drejtuesi politik i PD Klevis Balliu ka prezantuar kandidatin për deputet Myslim Murrizi në Njësinë Administrative Kashar.
Balliu denoncoi nga kjo zonë aferat korruptive të pushtetit si dhe akuzoi qeverinë dhe bashkinë për varfërimin e kësaj njësie.
Balliu deklaron se me kandidatët e Aleancës për Shqipërinë Madhështore si zoti Myslim Murrizi, fitorja jo vetëm është e sigurtë por do të jetë një fitore e thellë në 11 Maj.
“Nën drejtimin e liderit Sali Berisha, Shqipëria do të kthehet me shpejtësi drejt zhvillimit të ekonomisë së qytetarëve dhe jo të pushtetarëve. Nën drejtimin e tij xhepi i çdo qytetari do të jetë prioritet themelor i qeverisë së Partisë Demokratike”, tha Balliu.
Ai vlerësoi kandidaturën e zotit Murrizi, si një njeri i cili në çdo moment thotë atë çka mendon dhe bën atë çka beson.
Sipas tij, “Shqipëria Madhështore nuk është një ëndërr, nuk është një tezë por është një mision kombëtar”.
