Për Taulant Ballën, autori i vërtetë i kësaj situate sot është ish-kryeminitri Berisha dhe jo kreu demokrat Basha, pasi për të, ai qëndron si një pulë. Në një prononcim për mediat nga ambientet e Kuvendit, kreu i grupit parlamentar të PS-së, Taulant Balla, tha se kryetarja e Komisionit të Medias, Albana Vokshi, ka shpërdoruar detyrën dhe se Berisha nuk duhet ti fryjë zjarrit, për të përfunduar në këtë lloj situate e cila doli jashtë kontrollit.
Duke iu drejtuar kreut demokrat që të ndalojë këto skena të dhunës, ai solli në fokus rastin e një deputeti, i cili kishte vezë në pantallona. “Basha të frenojë deputetët e tij nga këto akte dhune. Një deputet ka pasur vezë në pantallona”.
“Të gjthë e dimë që kjo është një fjie bari e radhës, për të treguar kush është më i paepuri në sytë e Saliut, se këto janë skena që inspirohen nga Saliu, jo nga Luli pulë. Në rregullore s’ka nen të parashikuar për akte vandalizmi e dhunë jashtë sallës së seancave plenare.
Unë do i kërkoja Gardës së Republikës që punonjësit e Gardës të dhunuar nga deputetët, të kallëzohen penalisht se në fund të fundit, taksapaguesit e paguajnë punonjësin e Gardës të ruajë qetesinë, e s’ka të drejtë Noka e Salianji të godasë një djalë shqiptar që kryen një detyrë. Të vlerësojnë dëmet e infrastrukturës në foni që janë kryer nga vandalët e SHQUP-it.
Veliaj ka qenë i ftuar nga 2/3 e komisionit, zonja Vokshi ka shpërdoruar në mënyrë të padrejtë pozicionin e kryetares së komisionit, për të mos hedhur në votim propozimin e anëtarëve. PD po e përdor teatrin për interesat e tyre. Kishte hezitim dhe ndoshta frikë nga deputetet e PD, që të gjendur pa asnjë argument, tentuan të bllokojnë seancën dëgjimore.
