Bajerni i Munihut ka mposhtur sot me rezultatin 4-1 Dortmundin në “Allianz Arena” në derbin e javës së 28-të në Bundesligë.
Bavarezët e gjetën rrjetën vetëm pak minuta pas fillimit të ndeshjes. Philipp Lahm dërgoi një top drejt qendrës ku e priste Franck Ribery dhe goditja e tij përfundoi në portë (4’).
Nuk kaluan shumë minuta dhe u shënua goli i dytë. Robert Lewandowski u tregua fantastik nga gjuajtja e lirë (10’).
Me një gol të bukur të Raphael Guerreiros, pas gabimit të vendasve, u ngushtua rezultati (20’). Mirëpo, ky ishte vetëm goli i nderit për mysafirët.
Në gjysmën e dytë erdhi në shprehje Arjen Robben, i cili shënoi një gol ‘deja vu’ në minutën e 50-të.
Rezultatin përfundimtar e vendosi Robert Lewandowski me golin e dytë personal, këtë herë nga pika e bardhë (68’).
Me këtë fitore, Bajerni i Munihut ngritet në kuotën e 68 pikëve, dhjetë më shumë se ndjekësit më të afërt , RB Leipzig. Ndërsa Borussia Dortmundi është në vend të katërt me 50 pikë.
http://www.dailymotion.com/video/x5hm8co_all-goals-highlights-hd-bayern-munich-4-1-borussia-dortmund-08-04-2017_sport
