Vjet nga deti, ndërsa këtë vit nga qielli.
Kështu u shfaq babagjyshi i Himarës në këtë vigjilje Krishtlindjesh teksa mbërriti me parashutë në shëtitoren e qytezës bregdetare, duke krijuar një atmosferë festive.
Për kryebashkiakun e Himarës, Vangjel Tavo, kjo traditë e nisur një vit më parë do të vijojë, duke lënë një tjetër surprizë për 2027-ën.
“Është viti i dytë që po e organizojmë. Rituali i përvitshëm i babagjyshit. Menduam që këtë vit ta sillnim në një mënyrë tjetër. Këtë vit e sollën nga ajri, vjet nga deti. Tashmë kjo është një festë tradicionale.“
E padyshim më të gëzuarit ishin të vegjlit, për të cilët babagjyshi ishte kujdesur që t’i surprizonte me dhurata.
Festimet e organizuara nga Bashkia e Himarës për Krishtlindje vijuan edhe me shfaqjen e teatrit të kukullave për fëmijë.
