Dy avionë luftarakë turq raportohet të kenë provokuar helikopterin me të cilin udhëtonte kryeministri grek Aleksis Cipras. Ngjarja ka ndodhur ditën e sotme teksa helikopteri tip “Chinook” po transportonte Tsipras dhe shefin e Forcave të Armatosura të Greqisë, Admirali Apostolakis, nga ishulli Ro në Rodos, shkruan “Ekathimerini”.
Sipas medias greke ishin avionët luftarakë turq ata që iu afruan helikopterit grek. Në këtë moment, avionëve luftarakë turq u është kërkuar të tërhiqen. Nisur nga situata, piloti njoftoi menjëherë kryeministrit grek dhe shefin e Forcave të Armatosura, të cilët kërkuan ndërhyrjen e autoriteteve përkatëse. Pas këtij veprimi avionët turq u tërhoqën.
Ndërkohë, më herët kryeministri grek Cipras duke marrë shkas nga provokimet e Turqisë, deklaroi nga ishulli i Kastellorizos, se “Greqia do të mbrojë parimet e saj, në mënyrë që territori i saj të mos cenohet.
“Fqinjët tanë nuk sillen gjithmonë në një mënyrë e përshtatshme për fqinjësi të mirë”, tha ai.
