Gazetari Basir Çollaku, marrjen në pyetje të bashkëshortes së kryebashkiakut të Tiranës, Erion Veliaj, Ajola Xoxa për tre orë në SPAK, e sheh si avancim të hetimeve dhe si fazë më të përshpejtuar.
I ftuar në një studio televizive, ai deklaroi se kur hetuesit mbërrijnë në banesë, te objekti, investimi, tregon për një situatë penale më të rënduar të Erion Veliajt.
Sipas tij, aktivitetet e bashkëshortes dhe vëllait të Veliajt, të gjitha kanë lidhej me kryetarin e bashkisë.
“Si ka mundësi që të gjithë familjarët e pushtetit bëhen investitorë apo biznesmen, sapo dikush bëhet zyrtar i rëndësishëm.
Mund të shihet se si transfertat dhe paratë që kanë qarkulluar, për të cilat duhet një ligjshmëri e tyre.
Prisja që kryebashkiaku të ishte më shpesh në SPAK, jo një herë në gjashtë muaj.
Se kemi dy çështje kur të akuzuarit kanë në kurriz për grup të strukturuar kriminal. Gjithë vartësit që janë në qeli akuzohen.
Hetimi pasuror që ka nisur prej vëllait dhe bashkëshortes së Veliajt, i lidh një çështje e përbashkët.
Punët që bëhen në bashkinë e Tiranës, lidhen me familjen e kryebashkiakut. Kush është personi lidhës me gjithë subjektet.
Mendoj se Veliajt do i rëndohet situata penale. Kisha parashikuar që brenda vitit të ri të kishte një masë “arrest me burg”.
Shkon në zyrë çdo ditë, ku ai mund të prishë provat. Së pari nuk duhet të jetë në zyrë, e vlerësojnë prokurorët dhe gjyqtarët masën e sigurisë.
Kemi grup të strukturuar kriminal në bashki, në ministri.
Ne do na dalin grupe të strukturuara kriminale në çdo ministri dhe bashki, ne po na qeverisin grupet e strukturuara kriminale.
Veliajt i është dhënë shumë kohë, se hetimet për inceneratorët ka nisur në 2017, ka 7 vite kjo histori. Ndaj Veliajt rëndon akuza për korrupsion.”
Ndër të tjera Çollaku deklaroi se opozita duhet ta përfshinte çështjen e Veliajt në protestën e saj.
Nga ana tjetër tha se edhe brenda PS ka përplasje të klaneve dhe se Edi Rama kur do ta shesë një nga vartësit e tij, së pari i heq kredencialet politike.
