Një ngjarje e rëndë ka ndodhur në Peru, ku 44 persona kanë humbur jetën pas një aksidenti. Viktimat po udhëtonin në një autobus, i cili doli nga autostrada, duke përfunduar në një humnerë.
Sipas medieve të huaja, pas rënies së autobusit, ai është përplasur rreth 100 metra në përrua në një pjesë malore, në jug të Perusë.
“Sipas një raporti nga Policia Kombëtare e Perusë, tani ka 44 vdekje të konfirmuara,” tha Yamila Osorio, guvernatori i rajonit të Arequipa ku ndodhi aksidenti.
Mendohet se në autobus ishin 45 persona, por megjithatë nuk kishte një regjistër zyrtar të pasagjerëve.
Kujtojmë se vetëm një muaj më parë, në fillim të janarit, vdiqën 48 persona pasi një autobus u përplas me një kamion në bregun e Paqësorit.
