Studiuesi dhe eksperti i trashëgimisë kulturore, Auron Tare ka bërë një reagim në rrjetet sociale në lidhje me programin LEAD Albania, i cili mbështet teknicientë të rinj shqiptarë për rritje profesionale.
Teksa parqitur një postim të Fondacionit Shqiptaro – Amerikan për Zhvillim, AADF-së shoqëruar me një imazh, Tare shkruan se në fakt në foton e publikuar nga AADF nuk shihen shqiptarë, por vetëm indianë dhe aziatikë.
Sipas tij duket fondacioni AADF po projekton edhe Shqipërinë e ardhshme, me në qendër të huaj, pasi më herët mori Trashëgiminë Kulturore, duke iu referuar konkretisht menaxhimit të zonës arkeologjike të Parkut Kombëtar të Butrintit.
Në programin LEAD Albania personat pjesëmarrës pajisen me një bursë njëvjeçare si këshilltar në institucione të ndryshme pritëse, duke përfshirë Zyrën e Kryeministrit, Zyrën e Presidentit, ministritë kryesore, Bashkinë e Tiranës dhe institucionet e reja të Sistemit të Drejtësisë. Përveç kësaj, parimisht, çdo vit për bursistët ofrohet një komponent edukimi i vazhdueshëm, i cili përfshin trajnime të ndryshme të kryera nga ekspertë vendas, Universiteti i Harvardit dhe Qendra për Lidership Kreativ në Bruksel.
Postimi i Auron Tares:
Më poshtë një postim i AADF-së mbi programin LEAD Albania. Një program ky që mbështet teknicientë të rinj shqiptarë për rritje profesionale. Po e shikoja me kuriozitet pasi rrekesha të kuptoja se kush ishte shqiptar në këtë foto. Ky me Turban në kokë? Këta indianët ne sfond apo këto gocat aziatike? Ndoshta e kam unë gabim që nuk po i gjej dot apo ndoshta AADF pasi na mori Trashëgiminë Kulturore me bekimin e baballarëve të Kombit tani po projekton edhe Shqipërinë e ardhshme?
