Transferimi i Pierre-Emerick Aubameyang tek Arsenal tashmë është një realitet, mëngjesin e sotëm është prezantuar si blerja më e re e “topçinjve”. Nga ky operacion në arkat e Borussia Dortmund janë derdhur plot 57 milionë sterlina. Kjo shifër e kalon atë të blerjes së Lacazzete, i cili u afrua nga Olimpiku i Lionit verën e kaluar për shifrën e 52.7 milionë sterlina. Ende nuk është vendosur numri që do të mbajë mbi shpinë kapiteni i Gabon-it.
Por nuk mbaron me kaq dita për Arsenalin, pas humbjes së turpshme që pësuan një natë më parë nga Swansea e vendit të fundit, sot vjen lumturia. Pas bisedimeve të gjata është arritur akordi me mesfushorin gjermano-turk, Mesut Ozil, që të rinovojë kontratën deri në vitin 2021, kontratën që i skadonte në 30 qershor të këtij viti.
Me fanellën e Borussia Dortmund, Aubamezang shënoi 172 gola në 213 ndeshje në të gjitha kompeticionet. Me nënshkrimin e tij dhe Henrik Mkhitaryan Arsene Ëenger kompleton një nga repartet sulmuese më ne formë jo vetëm te Premier League por ndoshta edhe në Europë.
