Rivaliteti mes Real Madrid dhe Atletico është mjaft i zjarrtë si në çdo derbi, por ajo që është bërë e vecantë është se në vitet e fundit të dyja ekipet kanë arritur një nivel të artë dhe përballjet janë bërë spektakolare. Në vetëm katër vite kemi parë përballje të tyre në kompeticione të ndryshme, ku vlen të përmendet finalja e Champions League, ku Real e fitoi në sekondat e fundit me atë gol të Sergio Ramos.
Që nga viti 2014, Real Madrid dhe Atletico janë përballur plot 20 herë në kupa të ndryshme Ligë, Kupë, Superkupë, Champions League duke përfshirë këtu edhe në dy finale, ku Reali fitoj La deciman dhe La Undeciman. Ndeshja e parë erdhi në shkurt të vitit 2014 me fitore të difishtë të Realit në gjysmëfinale të Kupës së Mbretit që përfundoi me trofeun pasi e mposhtën Barcelonën në finale. Atë vit u zhvilluan shtatë derbi, dukë përfshirë edhe finalen e Lisbonës që mbahet mend për atë golin e Sergio Ramos në minutën e 93’të që më pas në shtesë Reali fitoi La Deciman me rezultat 4:1.
Në 2015, u zhvilluan 6 derbi. Përveç Ligës, Reali dhe Atletico u takuan në Kupë dhe Champions League. Në 2016 u përballen tri herë, dy në Ligë dhe një në finale të Ligës së Kampionëve në Milan, ku Real Madridi fitoi La Undeciman pas 11 metërshave. Ndërsa deri më tani në 2017 janë zhvilluar tre derbi. Derbi i fundit u zhvillua në kuadër të Ligës së Kampionëve në Vicente Calderon ku Reali humbi 2:1 dhe u kualifikua në finale të Championsit falë fitores prej 3:0 në ndeshjen e parë ndërsa triumfoi në finale 4:1 kundër Juventusit.
Në 19 derbi që nga viti 2014, Real Madridi ka triumfuar pesë herë, Atletico Madridi gjashtë herë, ndërsa tetë herë janë ndarë baras (dy prej tyre në finale të Champions League në të cilat në fund ka triumfuar Real Madridi). Por këtë herë do të jetë më e veçantë për “Los Colchoneros”, të cilëtë do të zhvillojnë derbin e parë në stadiumin e ri “Wanda Metropolitano’.
Herën e fundit kur këto dy skuadra u përballen në Ligë, Reali fitoi 3:0 në Calderon me het-trikun e Cristiano Ronaldos.
