Tashmë është ngulitur në memorien e gjithsecilit ngjarja e rëndë ku burri vrau bashkëshorten, nënë e gjashtë fëmijëve. Ngjarja e rëndë ndodhi në zonën e ish-kënetës në Durrës, ku nëna e 6 fëmijëve, Adriana Shaholli u vra në mënyrë makabre nga bashkëshorti, Çlirim Shaholli. Në shtëpinë e familjes së varfër, jetojnë 6 fëmijët e çiftit dhe 2 prindërit e moshuar të autorit të krimit.
Më herët, në intervistat e dhënë për mediat, i ati i Çlirim Shahollit, ka bërë përgjegjës djalin e tij 42-vjeçar. 81-vjeçari Zaim Shaholli, shprehet se kur ka ndodhur ngjarja kriminale, ka qenë në Korçë së bashku me të shoqen, për t’u kujdesur për disa toka që kishin në Maliq. I moshuari thotë se djali i tij nuk kishte asnjë lloj zanati dhe nuk punonte, ndërsa nuk lejonte as gruan e tij, Adriana Shaholli, prej një kohe të gjatë që të hynte në punë.
Në të njëjtën linjë ka qëndruar edhe djali i 42-vjeçarit, ku thotë se babai është pijanec dhe nuk punonte. Ai ka apeluar për ndihmë, për të ndërtuar shtëpinë.
“Unë punoja, babai ishte pijanec, nuk bënte asgjë, i bërtiste motrave, mamasë, nuk merrte mundimin për të bërë as gjënë më të vogël. Punonte nëna dhe ne…Na ndihmoni për të ndërtuar shtëpinë, si e shikoni është në gjëndje të mjerueshme”.
“Fundjava Ndryshe” ka qenë në shtëpinë e tyre në Durrës, pasi po mbledh donacione për ti ndihmuar.
Ja se çfarë thotë vajza e madhe në lidhje me këtë çështje:
“Gjithçka është krejt ndryshe nga më përpara. Mungon kreu i shtëpisë. Mungon mamaja jonë. Tani jam unë e vëllai që do mbajmë 4 më të vegjlit. Duam ndihmë t’ia dalim mbanë.
Dua të ndjek rrugën e asaj, rrugën e mamit. Ajo ka vuajtur jashtë mase. Ajo na la, vdiq vetëm për ne. Ka qenë bota për ne. Edhe bukën që e hante na priste ne, nuk e hante pa ne. Ka qenë mbështetja jonë më e madhe.
Më mungon jashtë mase, ishte motra ime, bota ime, atje hapesha për gjithçka. Kisha shume ëndrra, te punoja, te dilja jashtë, te sillja te ardhura, por tani ëndrra ime me e madhe është qe motrat, vëllai, të ecim përpara, t’ja dalin mbanë, për vete, gjithçka më duket e kotë.
Unë vëllai dhe motra e dytë jemi në punë, tani detyrohemi akoma me shumë të mbajmë katër fëmijë. Duhet të kem më shumë forcë, tani që jam kreu i shtëpisë bashkë më vëllanë, duam ndihme, sa te rregullohemi, se pastaj, do jemi të fortë, do punojmë”, tregon vajza e madhe e shtëpisë.
