Dea Mishel gjatë ditës bëri një postim ku shprehte shqetësimin për mesazhet që ka marrë së fundmi në Instagram, ku shumë edhe i uronin vdekjen pas operacionit të vështirë që kaloi.
Kjo situatë siç shprehet ish-banorja e Big Brother Vip ndodhi pasi dje në Top Arena komentoi lojën e saj në shtëpinë më të famshme, mirëpo mesa duket ndjekësit dhe jo vetëm vazhdojnë ta komentojnë dhe këtë herë për Dean kanë kaluar çdo limit.
Jori, mikesha e Deas ka vendosur gjithashtu të bëjë një postim në mbështetje të saj ku thotë se askujt nuk duhet t’i urohet vdekja pasi lëndohen të afërm dhe familjarë. Ajo gjeti rastin të tregonte dhe vlerësimin që ka për shoqen e saj, Dean, miqësi që lindi nga Big Brother Vip 2.
