Drejtuesi politik i Partisë Demokratike për Qarkun e Tiranës, Belind Këlliçi, ka denoncuar publikisht hedhjen e asfaltit elektoral në rrugën “Pjetër Dungu”, në zonën e Kinostudios, Njësia nr.4 në Tiranë.
Në një postim në Facebook, Këlliçi ka publikuar një video nga terreni, duke e cilësuar këtë veprim si një krim elektoral. Ai i ka bërë thirrje prokurorëve të Task Forces së SPAK që të nisin hetimet në kushtet e flagrancës.
Asfalti elektoral pushton edhe Njësinë nr.4 në Tiranë. Le të shkojnë prokurorët sot e ta hetojnë këtë vepër penale në kushtet e flagrancës!”, ka shkruar Këlliçi.
Task Forca e SPAK është krijuar për të hetuar krimet zgjedhore në prag të zgjedhjeve të 11 majit. Deri më tani, nga organet ligjzbatuese nuk ka ende një reagim zyrtar për denoncimin.
Postimi i plotë:
Thirrje publike për Task Force e SPAK të ngritur për hetimin e krimeve elektorale!
Asfalti elektoral pushton edhe Njësinë nr.4 në Tiranë.
Këtu jemi në rrugën “Pjetër Dungu”, zona e Kinostudios.
Le të shkojnë prokurorët sot e ta hetojnë në kushtet e flagrancës këtë vepër penale e krim elektoral!
