Futbolli shqiptar zgjedh sot nga Durrësi drejtuesin e ri për 4 vitet e ardhshme, si dhe 11 anëtarët e rinj të Komitetit Ekzekutiv. Pas përfundimit të raundit të parë disa vota dolën të pavlefshme dhe asnjëri nga kandidatët nuk arriti të shpallet fitues. Armand Duka mori 39 vota, Bashkim Fino 22 dhe Shpëtim Hala u skualifikua nga gara pasi nuk mori asnjë votë.
Komisioni i verifikimit hasi shenja identifikuese të votave në letrën votimit. Anëtari i komisionit, Kastriot Gurra, bëri thirrje që shenja votuese të ishte vetëm një plus ose një kryq. “Mos bëni kryqe e pluse deri në cepat e kutisë së votimit, apo shenja në formë “u-je” që të identifikoheni se për kë keni votuar. Tregohuni më seriozë ju lutem,” u shpreh ai. Tani po votohet për raundin e dytë dhe pritet që të shpallet fitues njëri mes Dukës dhe Finos.
