Një ditë pas vizitës së Vladimir Putinit në Beograd, artisti serb Çedomir Petrovic, ka shkruar një artikull për raportet Serbi-Rusi, ku ndër të tjera ka kërkuar që shteti të cilin e udhëheq Aleksander Vuçiç, të njoh pavarësinë e Republikës së Kosovës, dhe t’i vendos sanksione Rusisë. Në shkrimin e titulluar “Po na vjen shoku Putin”, Petrovic citon se Serbisë asnjëherë nuk i ka ardhur asnjë e mirë nga Rusia, duke kërkuar kështu që shteti i tij të njoh Kosovën, dhe t’i vendos sanksione Rusisë.
“Pa na brejtur ndërgjegjja, e pa kurrfarë ndjenje se i kemi borxh dikujt, e më së paku Rusisë, të bëjmë edhe një përpjekje të madhe për njohje të Kosovës, t’i vendosim sanksione Rusisë, dhe të harmonizojmë politikën tonë të jashtme me atë të BE-së. Të përpiqemi për anëtarësim në BE dhe Aleancën veri-atlantike”, ka thënë ai.
Vendosja e taksës nga Prishtina, dhe vendimi i Beogradit për mos njohje të Kosovës, sipas tij, është si ajo pyetja e vjetër “pula apo veza”. “Kësaj radhe të mos mbetemi pa vezë dhe pa pulë”, ka përfunduar ai.
