Artan Lame, ka ndërruar jetë pas një beteje të gjatë me sëmundjen. Ai ishte i shtruar në një spital në Gjermani, ku mjekët vendosën sot të ndalonin pajisjet që e mbanin në jetë në mënyrë artificiale. Zemra e tij pushoi së rrahuri, duke i dhënë fund një jete të mbushur me angazhim në politikë, media dhe administratë.
Trupi i tij pritet të mbërrijë në Shqipëri në ditët në vijim, ku do t’i jepet lamtumira e fundit nga familjarët, miqtë dhe qytetarët që e kanë njohur dhe vlerësuar kontributin e tij.
Artan Lame ka lënë pas një trashëgimi të vyer, si një prej zërave më aktivë në arenën institucionale dhe publike të vendit.
