Për gazetarin investigativ Artan Hoxha, Arben Ahmetaj nuk do të kthehet që të përballet në drejtësinë në Shqipëri, por do të vijojë të çojë mesazhe nga larg që mund të thotë se do të flasë nëse kalohet masa. Hoxha tha në emisionin “Të Paekspozuarit” se kush dorëzohet në burg që të luftojë pushtetin e ka të humbur davanë.
“Në momentin kur vihesh nën masë sigurie nuk ke shans të negociosh gjë përveç pjatës së supës atje brenda. Kushdo që ka qenë edhe një ditë të vetme në burg e di se ça është atje brenda. Se është diçka tjetër nga kjo bota reale që kemi ne këtu. Kush vendos që të dorëzohet në burg dhe nga burgu dhe nga burgu të luftojë me pushtetin e ka të humbur davanë.
Jo vetëm politikanë, por edhe në nivele të tjera.
Ai intereson z. Ahmetaj që të flasë? Unë mendoj që jo. Z. Ahmetaj i intereson që të çojë mesazhe që ai edhe mund të flasë nëse kalohet masa. Je në një lojë shahu. Ti lëviz ushtarin, ai lëviz oficerin. Ti lëviz kalin, ai do të lëvizë torren. Të jesh i bindur që situata do të jetë kështu. E di nga e kam këtë siguri? E mbaj mend nga historia që publikoi video e Dritan Priftit. Përballja filloi e fortë. Po të hapej kompjuteri i Dritan Priftit, prandaj e groposën thellë”-tha Hoxha.
