Policia e Kosovës ka arrestuar ish-kreun partisë Lista Serbe në Kosovë, Aleksandër Jabllanoviç së bashku me gruan e tij, pasi është kapur me armë zjarri me vete.
Këtë për lajm e ka konfirmuar zëvendëskomandanti i Policisë së Kosovës për rajonin e Mitrovicës, Besim Hoti për mediet kosovare.
Sipas tij, deri më tani nuk ka shumë informata në lidhje me këtë rast, por vetëm mund të konfirmohet se tek ai është gjetur një armë e zjarri.
Versioni i parë i Policisë është se ai ka qenë duke pirë kafe afër një karburanti dhe ka hasur në një grup personash duke vendosur postera zgjedhorë që janë kundërshtarë të partisë së tij të dikurshme.
Me pasu u bë me dije se, dyshohet që Jabllanoviç së bashku me gruan e tij të kenë qenë nën ndikimin e alkoolit.
Arma tashmë është konfiskuar ndërsa Aleksander Jabllanoviç dhe gruaja e tij gjenden në Polici duke dhënë deklaratë.
