Policia ruse ka arrestuar sot një person si të dyshuar për organizimin e sulmit që ndodhi në metronë e Shën Petersburg, ku humbën jetën 15 persona, dy javë më parë.
Bëhet fjalë për Abror Azimov, 29 vjeç, me origjinë nga Azia Qendrore. I riu, sipas burimeve, ndodhet në arrest, në qytetin e Odintsovo-s, në perëndim të kryeqytetit rus, ndërsa është marrë në pyetje nga hetuesit, shkruan BBC.
Azimov është personi i nëntë i arrestuar, lidhur me ngjarjen. Azimov akuzohet se ka trajnuar Akbardjon Djalilov për të përdorur bombën në metro.
