Në kampionatin brazilian të futbollit lojtari i Sapucaienses, Marlon Natanael, është arrestuar gjatë ndeshjes pasi ishte i akuzuar si pjesë e një bande. Bandë e cila kishte rrëmbyer një person në një qendër tregtare.
“The Sun” raporton se teksa Sapucaienses po zhvillonte ndeshjen kundër Farroupilha në kategorinë e dytë të “Caempeonato Gaucho”, kur detektivët kanë ndërprerë ndeshjen për të arrestuar Natanael, i cili gjendej në stoli pas zëvendësimit.
Policia kishte ndjekur futbollistin pasi ai kishte përdorur një kartë krediti të një të rrëmbyeri. Së bashku me Natanael, policia ka konfirmuar se për këtë çështje janë arrestuar edhe gjashtë persona të tjerë.
Kjo nuk është hera e parë që futbollisti arrestohet nga policia. Gjatë hetimit është zbuluar sa Natanael kishte edhe tre mandate të tjera arresti, njëra prej të cilave është gjithashtu një rast zhvatjeje nga rrëmbimi. Ai gjithashtu ishte arrestuar vitin e kaluar pasi posedonte një automjet që ishte raportuar si i vjedhur.
