Specialistët e Qarkullimit Rrugor në Elbasan arrestuan në flagrancë shtetasin E. B., 45 vjeç, pasi u kap duke drejtuar automjetin në gjendje të dehur.
Ndërsa u referuan materialet në Prokurori ku nisi procedimi penal për shtetasit:
-A. R., banues në Elbasan, pasi në rrugën “Thoma Kalefi”, me automjetin që ai drejtonte është përplasur me motomjetin me drejtues shtetasin E. M., 34 vjeç. Si pasojë e përplasjes është dëmtuar shtetasi E. M., i cili është në kujdesin e mjekëve, jashtë rrezikut për jetën;
-Z. Sh., 33 vjeç, banues në Rrogozhinë, pasi në aksin rrugor “Peqin -Rrogozhinë”, dyshohet se për shkak të humbjes së kontrollit mbi drejtimin e automjetit, automjeti ka dalë nga rruga. Për pasojë janë dëmtuar 2 pasagjerë në këtë automjet, të cilët janë jashtë rrezikut për jetën.
