Këto janë momentet kur shoferi i autobusit të linjës urbane së Laprakës, konstatohet nga policia rrugore e Tiranës se drejtonte automjetin në gjendje të dehur.
Në pranga ra 57-vjeçari, Gazmir Topuzi pasi nga testimi rezultoi se kishte konsumuar alkool në masën 0.96 mg/l.
Arrestimi i tij u krye gjatë kontrolleve të ushtruara nga Policia Rrugore, ku mjetet e transportit publik kanë marrë një vëmendje të veçantë pas disa aksidenteve të regjistruara.
Rasti më i fundit ishte pak javë më parë, ku autobusi i linjës së Unazës ishte shkaktar i një aksidenti në afërsi të zonës së Shallvareve ku u përfshinë 9 automjete.
Po në kuadër të masave për parandalimin e aksidenteve gjatë 1 jave në kryeqytet janë arrestuar 16 shoferë për drejtim të automjetit në gjendje të dehur si dhe janë pezulluar 79 leje drejtimi për shkelje të rregullave të qarkullimit rrugor.
