Gjyqtari kryesor i Kategorisë Superiore, Laver Alla, ka përfunduar pas hekurave. Ai u arrestua, pasi u përfshi në një aksident këtë të martë në Lushnjë.
Sipas policisë, Laver Alla, 31 vjeç, banues në lagjen “Gafurr Muço”, në Lushnjë, duke drejtuar mjetin tip “Citroen X Sara” me targë AA 387 NV, ka aksidentuar mjetin motorçikletë tip “Dayang” me targë AP036, që drejtohej nga shtetasi E.M., 66 vjeç, banues në fshatin Dushk, Lushnjë, i cili ndërroi jetë në Spitalin e Lushnjës.
Policia e ka arrestuar 31-vjeçarin, i cili rrezikon deri në 5 vjet burg.
Ai është një prej gjyqtarëve më të njohur të futbollit shqiptar.
