Shumë shpejt në Preshevë do të rinovohet Shtëpia e Shëndetit Presheva dhe shkolla fillore “Selami Hallaçi”, në Rahovicë.
Lajmin e bën të ditur kreu i Komunës së Preshevës, Shqiprim Arifi, i cili shkruan se ka pranuar konfirmimin nga Agjensioni për Investime Kapitale për financimin e këtyre dy objekteve.
“Investimet në përmirësimin e infrastrukturës në institucionet komunale, posaçërisht në Shkollat tona kërkojnë një përkushtim dhe seriozitet të veçantë”, shkruan ndër të tjera Arifi.
Postimi i plotë:
Të nderuar qytetarë të Komunës së Preshevës,
Ditë më parë pranova konfirmimin nga Agjensioni për Investime Kapitale për financimin e renovimit të Shtëpisë së Shëndetit “Presheva” në Preshevë, si dhe Shkollës Fillore “Selami Hallaçi” në B.L Rahovicë. Financimi i këtyre projekteve parasheh renovimin e tërësishëm të objekteve, ku do të krijohen kushte të favorshme për zhvillimin efikas të punës në dy institucionet e rëndësishme për Komunën tonë. Investimet në përmisimin e infrastrukturës në institucionet komunale, posaqërisht në Shkollat tona kërkojn një përkushtim dhe seriozitet të veçant, meqë janë projekte kapitale drejt ardhmërisë sonë të ndritur.
