Secili prej nesh mund ta mendonte se Ardit Gjebrea do të kishte një vend më special në koncertin e Rita Orës. Por pavarësisht nga mundësitë e krijuara, moderatori kishte zgjedhur që ta shijonte si një spektator i thjeshtë spektaklin që na dhuroi diva Rita Ora.
Ai u bë njësh me qytetarët, të cilët e pritën për orë me radhë, për të marrë ato emocione, që vetëm ajo di ti dhurojë. E për këtë nuk kishte asnjë dyshim. Ardit Gjebrea nuk ka preferuar që të identifikohej si një njeri i ekranit, por ka zgjedhur që të ulej në tokë, për ta parë Rita Orën së bashku me trupën që e shoqëronte. Fare pa komplekse, ai është ulur në tokë, së bashku me të bijën, e cila më vonë iu bashkua skenës, kur Rita bëri përshëndetjen e fundit.
Këngëtarja elektrizoi skenën duke kërcyer, kënduar, madje duke ftuar edhe njerëz nga publiku, të kërcenin me të në skenë. Hitin më të fundit “Girls”, Rita preferoi ta këndonte duke patur në skenë vetëm vajza, ku një prej tyre ishte edhe Anna, vajza e Ardit Gjebreas.
