Finalistët e parë të Botërorit të Klube janë arabët e Al Ain, të cilët mposhtën në gjysmëfinale River Plate pas ekzekutimit të penalltive. Skuadra vendasi fitoi 5-4 me penallti ndaj kampionëve të Amerikës Latine, River Plate, në ndeshjen e zhvilluar në Emiratet e Bashkuara Arabe.
Koha e rregull dhe 20 minutat shtesë u mbyllën në barazim 2-2. Skuadra arabe kaloi fillimisht në avantazh me një gol nga goditja e këndit me autor Berg, ndërsa River Plate e ktheu rezultatin që në minutën e 16’-të me dy golat e Borre.
Në pjesën e dytë janë sërish vendasit që shënojnë golin e barazimit me anë të Caio, ndërsa Martinez humbi mundësin për të kaluar Riverin në avantazh, pasi goditi traversën nga pika e bardhë e penalltisë.
Me këto shifra përfundoi i gjithë takimi, ndërsa skuadrat iu drejtuan “ruletës ruse”, aty ku fitues doli skuadra e Al Ain. Katër të parët ekzekutuan saktë penalltitë e tyre, Al Ain shënoi edhe në të pestën, ndërsa Perez u ndal nga portieri Khalid Eissa, që tashmë është heroi i tyre.
Në finale Al Ain pret një skuadër mes përballjes Kashima-Real Madrid, që zhvillohet nesër në 17:30 në Dubai.
