Kompania Apple aktualisht po shikon mundësinë e karikimit pa kabëll të telefonave mobile dhe pajisjeve të tjera.
Në artikull shkruhet se disa nga mundësitë e implementimit të kësaj ideje gjeniale janë përmes wi-fi, rrjetit mobil dhe madje përmes sinjalit nga rrjetet e satelitit, shkruan “Daily Mail”.
Teknologjia nënkupton përdorimin e valëve elektromagnetike me frekuenca të larta, të cilat arrijnë deri te pajisjet përmes antenave. Kjo nënkupton se energjia e nevojshme për karikim, prodhohet nga stacioni bazë, i cili “vendos” kontakt me pajisjet.
“Ideja e karikimit pa kabëll është njëri nga prioritetet tona dhe nuk është risi. Kërkimet e para premtojnë, por është e nevojshme të bëhen edhe kërkime shtesë”, thotë Apple.
Nuk dihet se kur do të fillojë implementimi i kësaj teknologjie dhe do të ishte revolucion i vërtetë, nëse ajo do të paraqitej nga Apple në tetor.
