GSMArena raporton se Apple pritet të lançojë tre iPhone në vjeshtë të këtij viti, por lançimi i njërit prej tyre mund të shtyhet për një apo dy muaj.
Sipas këtyre raporteve, iPhone 8 me madhësi 5.8 inç (nëse Apple nuk vjen me ndonjë emër tjetër), mund të shtyhet për në tetor ose nëntor për shkak të problemeve me teknologjinë 3D.
Teknologjia e ndjeshmërisë 3D nga Apple mbledh imazhe nga kamera e pasme dhe ajo para, me një sensor të dedikuar infra të kuqe, që do të përdoret për selfie 3D, dhe në lojëra që do të zhvillohen për ta shfrytëzuar këtë teknologji, shkruan Te Sheshi.
Kjo do të jetë e pranishme vetëm në këtë iPhone 8, dhe jo në iPhone 7s apo 7s Plus, prandaj këta dy telefonë pritet ta ndjekin ciklin e zakonshëm të lançimit të iPhonëve.
