Angli/ Reporteri kujtoi se kishte bërë foto me Jurgen Klopin, ja sozia

Anglia bëri një ndeshje thuajse perfekte dje ndaj Gjermanisë dhe në fund fitoi me meritë 2-0, çka i lumturoi pafund tifozët e “Tre Luanëve”. Tani anglezët kaluan në çerekfinale dhe do të luajnë ndaj Ukrainës.

Por atmosfera në të gjithë ishullin ishte e çmendur që në mëngjes me njerëz që porositën birrat e para në pritje të ndeshjes që në 7:00 të mëngjesit, flamuj varur nëpër shtëpia dhe grumbullime nëpër sheshe dhe rrugë.

Në një grumbullim të tillë, një nga personat që u pa të festonte dhe të pinte si i tërbuar ishte dhe menaxheri i Liverpulit, Jurgen Klop. Të paktën kështu mendoi një reporter i cili po fliste për “Lorraine Show”, ku u shpreh se kishte takuar dhe kishte bërë foto me Jurgen Klopin. Në fakt ishte pikërisht sozia e tij që bëri “namin” nëpër rrugë.